Aalisariutinik piginneqatigiiffiit kattuffiat naalisarlugu APK nutaamik siulittaasortaarpoq, siulittaasunngorporlu Søren Brandt Qajaq Trawl A/S-imeersoq.
Søren Brandtip kingoraagaa, Lars-Emil Johansen Inatsisartuni ilaasortanngornini pillugu APK-mi siulittaasutut tunuarpoq.
Aamma APK-mi allannguutinut ilaavoq, Kalaallit Nunaanni Sulisitsisut Peqatigiiffiannik allaffeqarfeqateqalerneq.
Tamanna piffissangaatsiaq atorlugu isumaqatigiinniutigineqarsimavoq, isumaqatigiissutaavorlu, Sulisitsisut Peqatigiiffiata allaffiani ataatsimoortumik allaffeqalernissaq.
Taamatuttaaq kattuffiit kattutivinnissaat oqaluuserineqartussanut ilaavoq, peqatigiiffinnut tamanut sipaaruteqarsinnaanissaq anguniarneqarluni.