Aligoqqik Kangerlussuup eqqaani
Canadamiut suliffeqarfiutaat, Hudson Resources, nalunaarpoq Kangerlussup eqqaani iluatsilluartumik aligoqqiit (tassa diamantit) arlallit nassaarineqarsimasut.
Hudson Resourcesip pisortaa, James Tuer, allappoq Kangerlussuup kujatinnguani Garnet Lakep eqqaa aligoqqinnik ulikkaaruttorami piiaaveqarnissaaq imminut akilersinnaasaagunartoq.
Hudson Resources aamma allappoq Nunatsinni aligoqqik annerpaaq nassaarineqarsimasoq. Aligoqqik nassaarineqartoq 2,6 millimeterisut takitigaaq, 2,3 millimeterisut silitsigaaq 2,2 millimeterisullu portutigaluni.
Nunatsinni aligoqqiit nassaarineqartut pitsaassusaat qalipaataallu pitsaasuunerarneqarpoq, allaat aligoqqiit aappaluartut nassaarineqarsimallutik.
Kangerlussuup eqqaani allami aamma aligoqqinnik nassaartoqarsimasoq nalunaarutigineqarpoq.