Ippassaq unnukkut Nuummi biilinik ajutoorneq inuusuttut marluk inuunerinik akeqartoq, sukkavallaamik ingerlanermik, aqquserngullu quasarneranik peqquteqarpoq.
Nuummi politeeqarfiup pisortaata Bent Heiselbergip nalunaarutigaa, biilit ajutoorutigineqartut attartukkat, piumasarisaasut malillugit ukiuunerani assakaasoqartut.
Ajutoornermi arnaq 28-nik, angullu 21-nik ukiullit ajunaarput. Biilit ingerlatitsisuat ilaasorlu ataaseq annapput.
Ajutoorneq pivoq sukkavallaamik ingerlatillutik ingerlatitsisup biilit aqussinnaajunnaarmagit; biilillu ulikarnerini ilaasoq erfagiussaavoq, ataaserlu kiggigussaalluni.
Bent Heiselbergip naatsorsuutigaa biilinik ingerlatitsisoq mianersuaalliorluni toqutsisimasutut unnerluutigineqassasoq. Biilertilluni imigassartortoqarsimanersoq ullut 14-it qaangiuppata paasinarsissaaq.