Nunatsinni aningaasaqarneq ilorraap tungaanut ingerlalersoq, naatsorsueqqissaartarfimmit nalunaarutigineqarpoq.
Nunami nioqqutissianik sullissinermilu pilersuinerit tamarmik nalingat 2004-mi 2,3 procentimik qaffariarpoq. Aningaasaqarnerup ineriartornerata 2005-mi taamatut ingerlaannarnissaa naatsorsueqqissaartarfimmit ilimagineqarpoq.
Aningaasaqarnerup ilorraap tungaanut ingerlaneranik naatsorsueqqissaartarfimmit patsisilersorneqarnerani oqaatigineqarpoq pisortat atuinermut aningaasartuuteqarnerulersimanerata saniatigut pisortat aningaasaliissutigisartagaat 30 procentimik appariarsimanerat.
Aamma sulisinnaasut aningaasarsiaat 4 procentimik qaffassimanerisa saniatigut, nunatsinni innuttaasut atuinikinnerulersimappu. Taamaammat nunatta aningaasaqarnerata pitsanngoriartorneranut tamanna sunniuteqaqataasoq naatsorsueqqissaartarfik naliliivoq.