Novembarip 25-at, tassa ullumikkut, tassaavoq arnanik persuttaasarneq akiorniarlugu nunarsuaq tamakkerlugu FN-ip ullorititaa.
Nunarsuarmi arnat meeqqallu persuttagaaneq aqqutigalugu toqutaasartut amerlapput, taamaammallu
Qimarnguiit Saaffiginnittarfiillu Kattuffianni siulittaasoq Marianna Sørensen Nunatsinni innuttaasunut kajumissaarivoq, ullumikkut angerlarsimaffinni naneruutinik ikitereqqusilluni.
Naligiissitaanermut siunnersuisoqatigiit allaffiani pisortaq Karin Kleist Johansen nalunaarpoq, illoqarfinni assigiinngitsuni innuttaasunik oqallitsitsisoqassasoq.
Illoqarfiit oqalliffiusussat tassaapput: Qaanaaq, Ilulissat, Paamiut, Qaqortoq Narsarlu, oqallitsitsinernilu qulequtarineqassapput arnanik persuttaasarneq kiisalu tarnikkut naalliutsitsisarneq.