Namminersornerulerup atuutilerneranit oqaluttuarisaa-nermut ilannguttussamik partiitoqqat pingasut naalak-kersuinngorniarlutik isumaqatigiinniarput. Oqaluttuarisaanerlu kingumut qiviarlugu naliliigaanni pissusissamisoortoq, naliliisartut naliliipput.
Namminersornerulernermi ukiut 26t ingerlariillartullu partiitoqqat Siumut, Atassut IA-lu naalakkersuisunngo-
qatigiinnissaminnik isumaqatigiinniarnerat pisinnaasoq kia ilimagisimavaa.
Eqqarsarluaraannili nassuiaatissaqartoq, HSAnalysemi naliliisartoq Henrik Skydsbjerg, Sermitsiallu aaqqissui-sua Poul Krarup naliliipput.
-Suleqatigiinnialernerup siunertai takulluarsinnaavak-ka. Inuiaqatigiinni allannguinerit annertuut IAp pi-ngaartippai, naalakkersuisunngortussanilu avataaniin-nissartik pinngitsoorniarpaat, Henrik skydsbjerg nas-suiaavoq.
Poul Krarupilu tamatumunnga isumaqataanerarpoq, marlunngormammi qinersinerup inernerata suleqati-giinnissaq pisariaqalersissimavaa. Taamaammanuna partiit siuttuisa Hans Enoksenip, Josef Motzfeldtip Finn Karlsenillu assingi Sermitsiap saqqaani assiliartaliunneqarsimasut.
Partiilli pingasut suleqatigiissinnaaneri piviusun-ngussappat isumaqatigiinniarnerni piumasaqaateqarto-qartariaqarpoq.
-Apeqqutaalluinnarpormi kikkut naalakkersuisunngo-rumaarnissaat, Poul Krarup naliliivoq.
Naalakkersuisunngortussat suleqatigiittuinnasagunik suleqatigiissinnaaneq, tunuliaquttaminnillu tapersersor-neqarneq pisariaqartissavaat.
-Isumaqatigiinniarnerni angusat piviusunngortinnissaat
isumaqatigiilluinnarnikkut qulakkeerneqassasut, Poul Krarup oqarpoq.
Naalakkersuisunngortitsinissami Lars-Emil Johansenip aalajangiisooqataalluinnarsinnaanera Sermitsiap aaq-qissuisuata naliliinermini ilannguppaa. Lars-Emil Jo-hansenip naalakkersuisunut ilanngutitaappat Hans Enoksenip nukittuallaatigissavaa. Inatsisartutsinnut ilaasortaalernini, partiip Siumup qassiiliortitsisuata, danskit inatsisartuini ilaasortaanini akigissaneraa apeqqutaalerpoq.