Naalakkersuisooqatigiissinnaanermut isumalluarput

Inuit Ataqatigiit siulittaasuat Josef Motzfeldt tunuliaquttaminik aamma ataatsimeeqateqareerluni naalakkersuisunngortitsinissaq pillugu isumaqatigiinniariartortoq naapipparput, oqaaseqaateqarumavallaarnanili.

- Aalajangerpugut misiliilluta ataatsimeeqataassalluta, oqaloqatigiinnermi takussavarput isumaqatigiinniarnerit aallartissanersut. Josef Motzfeldt taama oqarpoq.

Inuit Ataqatigiinnit piumasaqaatissaminnik taasaqarumanngilaq, neriulluarnerarporli.

- Inuiaqatigiit oqarput, suleqatigiinniaritsi assortuuterujuuginnarnasi. Taamaammat ussernarsinnaagaluarpoq illua´tungeriilluni naammagittaalliorujoornissaq. Kisianni inuiaqatigiit oqarfigippatigut, assortuunneq pinnagu suleqatigeeqqulluta, taava taanna malillugu pissaavut. Inuit Ataqatigiit siulittaasuat erseqqissaavoq.

Demokraatinulli tunngasut oqaaseqarfigiumanngilai.

Atassutip siulittaasua Finn Karlsen partiimi siulersuisuunernik oqaloqateqareerluni naalakkersuisunngortitsinissaq siunertaralugu isumaqatigiinniariartortoq aamma naapipparput, aalajangiussaqarsimanerminnilli oqaaseqarumanani.