Inatsisartuni ilaasortanngortoq agguaqatigiissillugu 46-nik ukioqarpoq

Inatsisartuni ilaasortanngortut 31-t ukiui misissuataarpavut, paasinarsivorlu inatsisartuni ilaasortanngortoq agguaqatigiissillugu 46-nik ukioqartoq.

Siumumeersoq Jonathan Motzfeldt Inatsisartuni ilaasortanit ukioqqortunersaavoq, 67-inik ukioqarluni. Soraarnerussutisiaqarsinnaalereersimasut allat tassaapput: Atassummeersoq Godmann Rasmussen aamma Inuit Ataqatigiinneersoq Josef Motzfeldt.

Ilaasortat inuusunnersaraat Inuit Ataqatigiinneersoq Juliane Henningsen 21-nik ukioqartoq.

Partiit Inatsisartuni ilaasortaatitariligaasa ukiui misissuataaraanni aamma takuneqarsinnaavoq, Atassummi ilaasortat agguaqatigiissillugu ukioqqortunerpaasut, 49,5 %-inik ukioqarmata.

Partii agguaqatigiissillugu inuusunnerpaanik ilaasortaatitalik tassaavoq Demokraatit, agguaqatigiissillugu 40,3 %-mik ukioqarmata.

Inuit Ataqatigiit Inatsisartunut ilaasortaatitariligaasa ukiui agguatigiissillugit 46,5 %-iupput.

Siumukkormiut agguaqatigiissillugu 48,4-nik ukioqarput, Kattusseqatigiillu Partiiata Inatsisartuni ilaasortaatitaa Anthon Frederiksen 52-inik ukioqarluni.