Taavalu qinersiartorsimasut amerlassusaasa kisinneqarneri kingulliit pillugit paasissutissiissaagut.
Nalunaaqutaq tallimanut qinersisinnaasunit 39.000-sunit 58 procentii qinersiartorsimapput, taamanna kommuninut 17-nut sianeqattaareernermi
paasinarsivoq.
Narsami Nalunaaqutaq tallimat sioqqullugu qinersiartorsimasut amerlanerpaajusimapput, taakani qinersisinnaasut 70,3 procentii tallimanut qinersereersimapput.
Illoqqortoormiuni 67,1 procentii nalunaaqutaq tallimat siorna qinersiartoriikatassimapput, taamaasillunilu aamma Illoqqortoormiuni qinersisut amerlangaatsiassasut takuneqarsinnaalereersimalluni.
Illoqqortoormiuni 2002-mi qinersinermi, qinersisinnaasut 76,35 procentii qinersineq naammassimmat qinersiartorsimapput.
Ivittuuni qinersisimasut procentinngorlugit kisitsisaat annikinnerpaajupput, taavani nalunaaqutaq tallimanngortorlu qinersisinnaasut 20,6 procentii qinersiartorsimapput.
Upernavimmi aamma qinersiartorsimasut amerlavallaanngillat, nalunaaqutaq tallimanut qinersisinnaasut 51 procentii qinersereersimapput.
2002-mi qinersisinnaasut 75 procentii qinersipput.