Siumut Demokraatillu siuttuugallarput

Inatsisartunut ullumikkut qinersisoqaraluarpat Siumut Demokraatillu assigiimmik taguunneqassagaluarput, tamarmik inatsisartuni inissanik qulingiluanik pissarsillutik.

Siumut siuaariartortoq suli Demokraatit ajugaasuupput.

Inunnik isumasiuisarfiup, ISUMA-p, inuit 1300-t apersorlugit, isumasioreerlugit, paasinarsivoq parti Siumut suli siuariartortoq.

Sapaatip akunnera kingulleq, isumasiuinerup inerneri malillugit, Siumut partii inissanik arfineq-pingasuinnarnik pissarsigaluartoq, kisitsisit ISUMA-meersut kingulliit takutippaat, maannakkut qinersisoqaraluarpat, Siumut-p inatsisartuni ilaasortaatitai qulingiluaassasut.

Taamaakkaluartoq inatsisartunut qinersinermut kingullermut naleqqiullugu Siumut kinguariarpoq, 2002-mi inatsartunut qinersisoqarmat Siumut inissanik qulinik pissarsimmat.

Demokraatit kigaatsorsuarmik kinguariartorput, taamaakkaluartorli suli siuttuusinnaalluarput.

Kisitsisit kingulliit takutippaat Demokraatit inissat qulingiluat tigummissagaat, 2002-mi inatsisartunut qinersinermut naleqqiullugu siuariarlutik, tassa tallimanik taamanikkut pissarsimmata.

IA suli siuariartorpoq inissanik arfineq marlunnik pissarsissammat, qinersinermulli kingullermut naleqqiullugu IA kinguariarpoq, inissamik ataatsimik annaasaqarmat.

Atassutip partiia kinguariarnerpaalluni inissat pingasut taamaallaat pissarsiarissavai, kingullermik inissanik arfineq marlunnik pissarsisimagaluartoq.

Kattusseqatigiit partiiata inigisartik ataaseq pigiinnassagaat ISUMA-p inunnik isumasiuisimanerata takutippaa.