Meeqqanik sumiginnaasarneq, imminortarnerit, - ilaatigut qulequttat tamakkuupput Paaminuni inuusuttut STI –mi atuartut namminneq inuunerminni misigisartagarisimasatik aallaavigalugit isiginnaagassiarisimasaat.
“Tusaasinga”.Taama qulequtaqarpoq isiginnaagassiaq Paamiut katersortarfiani takutinneqaqqammersoq.
Isiginnaagassiortuupput inuusuttut 13-it STI-mi atuartut. Taakku inuttut inerikkiartorneq pillugu pikkorissartinnneqanerminni isiginnaagassiorsimapput. Isiginnagassiap imaa pillugu peqataasoq 17-inik ukiulik Linda Thorsen ima nassuiaavoq:
- Isigisavut tusartakkavut nammitsinnillu aqqusaakkavut aallaavigalugit isiginnaagassiaq suliarisimavarput.
Inuusuttut pikkorissaasuat Ove Poulsen oqarpoq inuusuttut atugarisimasaat aallaavigalugit pikkorissarneq ingerlanneqarsimasoq:
- Pikkorissarnermi qulequttat sammineqartut assigiinngitsut sammineqartarput. Inuusuttut namminneq misigisartagarisimasatik allaavigalugit oqallittarput, tamannalu aallavigalugu isiginnaagassiorniarlutik aalajangersimapput.
Ove Poulsen aamma oqarpoq pikkorissartut isiginnaagassiornerminni inuttut ineriartorsimasut:
Nuanneqaaq inuusuttut assigiinngitsutigut anmaassinermikut inuusuttut ineriartornerat malinnaavigalugu, Ove Poulsen oqarpoq.
Inuusuttut isiginnaagassiartik Nuummi Katuami takutikkusullugu Paamiut Kommunianut aningaasaateqarfinnullu qinnuteqarsimapput.