Ikuallattoornermi kalerrisaarutip aallartinnera akiliinissamik kinguneqarpoq
Skrevet af Carla Davidsen
Ikuallattoqartillugu KNR-imi kalerrisaarut sapaatip akunnerani kingullermi aallarteriataarpoq, qatserisartullu aggertariaqarnerat 20.000 koruuninik naleqassasoq, qatserisartut ittuat, Knud Petersen Nuup Kommuneata nittartagaanut Nuummit Nutaarsiassanut oqarpoq.
KNR-ip illorsuani ikuallattoqanngilaq, iffiukkanut sikalaartitsivik sivisuumik salinneqarsimagunarani ikuallattoqartillugu kalerrisaarummik aallartitsivoq, qatserisartunillu aggertoqartariaqarsimavoq. Qatserisartut 23-it qatserisartullu biiilii sisamat peqataapput.
Qatserisartut ittuat Knud Petersen, Nuup Kommuneata nittartagaani oqarpoq, iffiukkanut sikalaartitsiviup, ikuallattoqartillugu kalerrisaarutip ataatunginnguaniittup, atorneqarsimanera akisussaassuseqanngitsuliornerusoq.