Juullimut nipitittagaq saqqummersinneqarpoq
Juulli sukkasoorujussuarmik qalliartorpoq – juulliararnissaanut qaammatit marluinnanngoriikatapput – nissiaqqallu pisiniarfiit igalaavini takussaalernissaat qanilliliinnakaseqaaq.
Juullip qallineranut ilisarnaatit ilaat, juullimut nipitittagaq, Nuummi ullumi saqqummersinneqarpoq.
Juullimut nipitittagaq Jan Christensen Knudsenimit ukioq manna titartarneqarpoq uummatinillu qiortakkanik assigiinngitsunik 30-inik assiliartalerneqarluni.
Juullip Nipitittagaata Aningaasaateqarfianit juullimut nipitittagaq 1974-miit ukiut tamaasa saqqummersinneqartarpoq, sinneqartoorutillu Nunatsinni eqqumiitsuliornermik suliaqartunut tapiissutitut agguaanneqartarput.
Juullimut nipitittakkap nersornaatitaa ukioq manna kalaallit eqqumiitsuliornermik suliaqartut atugarisaannik ukiorpassuarni inerisaasumut Namminersornerullutik Oqartussat eqqumiitsuliorneq pillugu siunnersortaannut Thue Christiansenimut tunniuneqarpoq.