Aningaasaateqarfittaap piniartut ikiorsissavai
Uummannami umiatsiaararsortut piniartullu nuliaat aningaasaateqarfimmik pilersitsinialerput.
Taama allappoq AG ullumi saqqummersoq.
Uummannaq eqqarsaatigalugu siorna sikunngitsoornera pissutigalugu umiatsiaararsorlutik aalisartut piniartullu isertittagaat annikilleriarujussuarsimapput.
Komunep misissuisitsinerata takutippaa, innuttaasut 15-iniit 62-inut ukiullit sisamaagaangata sisamaat 2003-imi 69.000 koruunit ataallugit isertitaqarsimasoq.
Uummannami najugalllit inersimasut 27 procentii taamaalillutik suliffissaqarsimanngillat amigartumilluunniit suliassaqartinneqarsimallutik.
Aalisartut piiartullu peqatigiiffianni siulittaasoq, Margrethe Nielsen, AG-mut oqarpoq, immap unerisimannginnera pissutigalugu piniarneq aalisarnerlu uneqqissimasut. Nunaqarfinni ilaqutariit isertitarisinnaasaannik nassaarneq ajornakusoorpoq, aamma amerlasuut suliffissarsisinnaanngillat.
- Angutitavut taperserumallugit peqatigiiffiliorniarpugut. Aalisartut piniartullu nuliaat inooqataallu kikkulluunniit peqatigiiffiliornissamik kajumissaarumavakka, Margrethe Nielsen AG-mut ullumi saqqummersumut naggaataatigut oqarpoq.