Politiit sivisuumik misissuereerlutik, angut 32-nik ukiulik Sisimiuninngaanneersoq ikiaroornartumik hash-mik katillugu 10 kg-mik Nunatsinnut eqqussisimasutut Sisimiuni eqqartuussivimmit tigummigallagassanngortinneqarpoq, ukiunilu pingasut qiteqqullugit anstaltimiittussanngortinneqarluni.
Angut tigummigallagassanngortinneqartoq aggustip qaammataani tigusarineqarpoq, aningaasallu 3,1 mio.kr-nit assaarinnissutigineqarput. Aningaasat taakkua saniatigut pigisat 400.000 kr.-nik nalillit, aamma arsaarinnissutigineqarput.