Nioqqutissat akitsulaarput
Skrevet af Carla Davidsen
07. september 2005 11:58
Nioqqutissat kingumut akitsoqqipput.
Nioqqutissat procentip affaanik ukiup affaata siulliup ingerlanerani akitsorsimapput. Kalaallit Nunaanni Naatsorsueqqissaartarfiup naatsorsuusiaasa kingulliit tamanna ersersippaat.
Nerisassat akitsornerpaasimapput, procentinik marlunnik akitsorsimallutik.
Qajuusat, issingigassat qaqorteqqasullu akitsoriarneri malunnarnerpaapput.
Nioqqutissat nunatsinnut eqqunneqartartut naatsorsoqqissaarneranni takuneqarsinnaavoq, nunarput Danmarkimiit eqqussuinerusimasoq, aningaasallu naleerukkiartornerat Danmarkimi ukiuni kingullerni malunnarnerpaasimavoq.
Aningaasat naleerukkiartornerat nunatsinni aamma malunnarsiartorpoq.
