Poul Schlúter nunatsinnut
01. september 2005 08:14
Grønlands arbejdsgiverforeningip kiisalu Hotel Hans Egedep aaqqissugaanik septemberip 16-iani 17-ianilu sivisunerpaamik Danmarkimi statsministeriusimasoq Poul Schlüter oqalugiartoq tusarnaarneqarsinnaassaaq.
Poul Schlüter inatsisilerituutut ilinniarsimavoq, politikeritut sulereernermi kingorna maanna soraarninngorsimavoq.
Soraarninngoreeraluarluni eqeersimaartuuvoq, inuussutissarsiornermut tunngassuteqartunut arlalinnut siulersuisunut ilaasortaaffeqarluni. Taamatuttaaq oqalugiariartoqqusaajuarnermigut assigiinngitsunut angalajuartuuvoq, maannalu Nuummukartussanngorluni.