Siumut Nuummi immikkoortortaata ingerlaannaq atuutilersussamik naalakkersuisut siulittaasuat Hans Enoksen Siumumi siulittaasutut tunuaqquaat.
Naalakkersuinikkut pissutsit najummassimanartut pillugit Siumut Nuuk taamatut piumasaqaateqarput.
Naalakkersuinikkut uivernersuartoqarneranut naalakkersuisut siulittaasuata Hans Enoksenip akisussaasuunini nassuerutigisariaqarini, Siumut Nuuk allappoq.
Siumut Nuuk aamma piumasaraat partiip Siumup siulittaasuisunut tulliuttut, tassa Jonathan Motzfeldt aamma Doris Jakobsen partiip siulersorneqarnera siuttuuffigilissagaat.
Nunatta tatigineqarsinnaasunik naalakkersuinikkut siulersuisoqalernissaa ujartorpaat.
