Uummannap oqaluffia 70-iliivoq
Uummannami oqaluffik ullumi ukiunik 70-sinngor-torsiorluni nalliuttorsiutigineqarpoq.
Oqaluffilli Uummannarmiut mikigilersimagaat ma-lunnarpoq, palasi Looqi Fleischer ima oqarpoq:
- Ajornanngippat allilerneqarsinnaaguni qujanassagaluarpoq. Kisianni aamma oqaluffiup sananeqaqqaarnerminiit ilusia Uummannarmiut iluatigigaat nalunngilara.
Oqaluffik qallunaamit oqaluffinnik immik-kut titartaasartumit H. Bøjsen Møller-imit titartarne-qarsimavoq. Ujaqqanit qarmagaanera pitsaaqute-qarpoq:
- Aserfallatsaaliinikkut pisariittuuvoq, qisuttaali ukiuni 70-ni atareersut nutarsarneqarnissaat pisariaqalerpoq, nutarsaaneq ukioq manna ingerlanneqassalluni.
Sapaatiuppat naalagiarnermi erinarsoqattaarnerit nerliiviliarnerlu pissapput. Katersortarfitoqqamilu kaffillertoqassaaq.