Danmark akileeqataasariaqarsoraa

Ilulissani mittarfiup 1.799 meterinut tallineqarnissaa

Folketingip Grønlandsudvalg-iani ilaasortat ilaata Dansk Folkepartimeersup Walter Christophersenip pisariaqarsorilluinnarpaa, Danmarkilu akileeqaataasariaqarsorilluinnarlugu.

Walter Christophersen ilaasortaqatini 17-it ilagalugit pingasunngormat Ilulissaniippoq ilaatigullu kommunalbestyrelse oqaloqatigalugu, mittarfiullu tallineqarnissaanik kissaateqarneq maluginiarsimavaa:

- Mittarfik 1.799 meterinik takitigisoq nunat tamat akornanni takissutitut akuerisaasoq 685 million koruunit 700 million koruunillu akornanni akeqartussatut tagginneqarpoq. Tunisassiat imaaneersut ani-ngaasaatinillu pisilluarsinnaasunut soorlu USA-mut Kinamut Japanimullu pilertortumik ingerlanneqarsinnaappata akit qaffapiloorneqarsinnaasut, Walter Christophersenip naatsorsueqqissaanermik qangali misilittagalittut takulluarsinnaanerarpaa.

- Paasisara unaavoq Kalaallit Nunaata qalerallit 13.000 tonsit aningaasatigut kaaviaartitaqarfigisarai. Kiilumut 5 koruuninik akisunerusumik akeqartitsisoqarsinnaappat 65 million koruuninik isertitaqarneru-sinnaaneq anguneqarsinnaasoraa. Walter Christophersen naliliivoq.

Timmisartutigut assartuineq takornariaqarnermut kapitartuunneqarsinnaappat inuiaqatigiinni periarfissapilussuaq aamma takusinnaanerarpaa.

Imatut paasineqassavit pisariaqassappat Danmarki talliliinermut akileeqataasariaqartoq:

- Isumaqarpunga suliassaq una aamma Danmarkip suliassaanut ilaasoq, paatsoorneqarsinnaanngilaq, tamannalu pisariaqarsoraata nunap immikkortua manna inuerukkiartussanngippat. Walter Christophersen oqarpoq.

Folketingip Grønlandsudvalgiani ilaasortat nunatsinni angalanertik naammassillugu Ilulissanit ullumi aallarput.