Nunatsinni piareersartitsinialerput
Ullumikkut ulloq Naalagaaffiit Peqatigiit nunarsuarmi nunat inoqqaavinut ulloritippaat.
Nunat inoqqaavinut ukiorititaasut ukiut qulit siorna naammassineqarput, suliniutilli, tassalu inuuniarnikkut ajornartorsiutit aaqqiivigineqarnissaat, pisinnaatitaaffiit, avatangiisit, ilinniartitaaneq peqqinnissarlu pillugit suliniutit tamaangaannaq killitsinnagit ukioritinneqartut ukiunik qulinik ilaneqartut, Nunat Inoqqaavisa Atugaat Pillugit Isummersoqatigiittarfimmi ilaasortaq Aqqaluk Lynge oqarpoq.
- Ullumikkut ulloritinneqartumi nunatsinni immikkut malunnartitsiniaanngikkaluarpugut, New Yorkimili aappaagu ataatsimiilinnginnitsinni Nunatsinni piareersaataasumik upernaaru ataatsimiinnissarput pilersaarutigaarput, sulili ulluliinngilavut. Aqqaluk Lynge nassuiaavoq.
Nunatsinni ataatsimiinnissaq Danmarkimi nunanut allanut ministereqarfik, nunatsinni nunanut allanut allaffeqarfik ICC-lu peqatigalugit piareersarneqassaaq.