Arsaattussat tulleriinneri makitsissutigineqarput

Angutit arsaallutik Uummannami pissartanngorniunnissaannut atatillugu anngussimasut unamminissaat ualeq manna makitsissutigineqarput. Klubbit pissartanngorniunnissanut anngussimasut tassaapput: Uummannamit UB-68 aamma Malamuk, Aasiannit Aasiak 97, Qeqertarsuarmit G-44, Ilulissanit N-48, Nuummit B-67, Qaqortumit K-1933 aamma Maniitsumit Kâgssagssuk.

Puljekkaarnerilu imaalerput:

Pulje I-miipput: Aasiak-97, Malamuk, B-67 aamma Kâgssagssuk. Pulje II-miillutik: G-44, K-33, N-48 aamma UB-68.

Unammersuarnerit aggustip 25-anit 30-at ilanngullugu ingerlanneqassapput.

Ukiuni kingullerni pissartanngorniutivinnernut annguttarsimasut Qasigiannguaneersut Kugssak-45 ukioq manna aamma anngussimagaluarpoq, unammersuarnernili inatsisinik unioqqutitsisimammata arsaattartut kattuffiata siulersuisuinit peqataasinnaajunnaarsitaasimasut, kattuffiup siulittaasua Lars Lundblad nassuiaavoq.