Angut taxartitsisumik siorasaarisimasoq Nuummi Politiinit ujarneqarpoq
07. august 2005 16:53
Nuummi politiit tallimanngormat kalerrinneqarput, nakuusernertalimmik ujajaasoqarsimasoq.
Nakuusernertalimmik ujajaaneq tallimanngornerup unnuaani nalunaaqutaq marlunut pivoq, Nuummi Tuapannguani blok S-p eqqaani.
Angutip taxap matua ammariarlugu taxartartoq savimmik qunusaarsinnarlugu aningaasivianik arsaarsimavaa. Taxartitsisullu aningaasivini aningaasanik imaqartoq tunniuttariaqarsimavaa.
Taxartitsisup oqaluttuarnera naapertorlugu angut kalaallisut oqaluttuuvoq, 175 cm-nik angissusilik tuattuuvoq, taartumik qernertumilluunniit atisaqarluni. Kiinnani ilisarsarunnaarsarlugu nasarsimalluni.
Nuummi politiit angummik takunnissimasinnaasut uppernarsaasinnaasulluunniit Nuummi politeeqarfimmut
32 14 48-mut saaffiginneqquneqarput.