Ilulissani atualertoqarpoq

Ullu´qeqqata siorna qulinut Ilulissani silagissorsuugaa niviarsiaqqat nukappiaqqallu 18-nit kalaallisoorlutik assukkersorsimaqisut Atuarfik Jørgen Brønlund-ip atuarfiata eqqaanut katersuupput, ulloq pingaartoq atualernissartik nalliussillugu.

Aanaakkut aataakkullu soorunami aamma ilaapput.

Palu Kruse arfinilinnik ukiulik pissangaqaluni oqarpoq, titartaasarnissartik qilanaaralugu.

Anaanaasoq Nielsine Petersen Kruse kalaallisoorluni assuaqisoq oqarpoq, kalaallisoornermi pissusitoqqat atornissaat assut pingaaruteqartoq ulloq assut pingaartorsiornarmat. Tamanna ilaqutariinni ileqquuvoq.

Atuarfik Jørgen Brønlund marloriaamminik angitigisunngortussanngorlugu ulluni makkunani allilerlugu suliarineqaleruttortoq Nielsine Petersen Kruse-p aamma assut pissanngatigaa.

- Atualertuuterput qangalili piareersakannerlugu allannernik naqinnernillu ilitsersuutereertarparput oqaluttuullugulu ilinniartikusallugu, aamma kisitsiner-mik, tamakku assut soqutigai, anaanaq ernermi siunissaanik pitsaasumik kissartoq radioaviisimut oqarpoq.