Tunumi meeqqat atugarliortut amerlapput
Tunumi amerlanngitsunik inulimmi meeqqat atugarliorlutik inuupput. Angajoqqaat aalakoornartulinnik imertarnerisa, annersaasarnerisa sumiginnaasarnerisalu kingunerisaanik atugarliorput, taama TV-aviisi nalunaaruteqarpoq.
- Angajoqqaat meeqqaminnut nukissaqanngillat. Meeqqat naammattumik nerineq ajortut takusarpakka. Meeqqat angerlarsimaffimminnut isersinnaanngillat angajoqqaatik aalakoornartulimmik imermata imaluunniit angerlarsimanngimmata, taama filmiliornermi ilitsersuisartoq Nunatsinnilu angalasaqattaartarsimasoq Karen Littauer oqarpoq.
Peqatigiiffimmi Kalaallit Meerartaat-ni allattaanerup Bente With-ip taamatut oqarneq uppernarsarpaa.
- Inuup pinngitsoorsinnaanngisaanik meeqqat amingaatillit naammattoortarpagut; meeqqat qiiasut nererusuttullu. Meeqqat qanigisaminnit kinguaassiutimikkut ikkatigineqartarput angerlarsimaffimmilu annersaanermik misigisaqarsimasut sumiginnangaasimasullu naammattoortarlutigik, taama Bente With oqarpoq.
Inuit ataasiakkaat atungaasa meeqqanillu kingorneqartarnerisa allanngortinniarneri ataatsimoortumik tapiissutinik tunniussuinikkut aaqqinniassallugit naammanngitsoq Bente Withip nalunaarutigaa.
- Naalakkersuinermi suliallit iliuuseqartariaqarput, taama oqarpoq.