Timmissat anartarnermikkut aatsitassat akoorutissallu toqunartortallit, soorlu assersuutigalugu kviksølv, issittumi siammartertaraat, ilisimatuut aviisiannut Science-mut canadamiut ilisimatuui allapput.
Issittup tikikkuminaatsortaani suliffissuaqarfiunngitsuni akoorutissanik toqunartulinnik inuit timaanni nassaartarneq taamaalilluni nassuiaatissaqalerpoq.
Timmissat aalisagartortarput, amikutortarput allanillu uumasunik akoorutissartalinnik nerisarlutik.
- Timmissat imaanit nerisaqartut akoorutissanik toqunartulinnik nerisaqartuusut misissuinitsinni paasivarput. Akoorutissat timmissat timaanni katersuuttarput akoorutissallu anarisaraat, ilisimatooq John Smol nutaarsiassaqartitsivimmut Reuters-imut oqarpoq.