Danmarkimi partiip Venstrep oqaaseqartartuata danskillu kalaallillu namminersorneq pillugu ataatsimoortumik isumalioqatigiissitaliaani ilaasortap Birthe Rønn Hornbechip nunasisartunut piumasaqaataasartut assinginik kalaallinut piumasaqartoqartalernissaannik Folketingimi partiit amerlanerussuteqartut isummersimanerat tupigusuutigaa.
- Amerlanerussuteqartut qanoq ilillugit pissarsiarineqarsimanerput. Kalaallit nunasisutulli pineqartarnissaannik isuma sakkortunerpaamik illua´tungilerusuppara. Danskit, kalaallit savalimmiormiullu naalagaaffeqatigiinnermi soorunami naligiillutik inissisimapput. Birthe Rønn Hornbech nutaarsiassaqartitsivimmut Ritzau-mut erseqqissaavoq.
Kalaallit nunasisutut isigineqartalernissaannut siunnersuut partiimit naalakkersuisooqataasumit Konservativenit, taakkulu saniatigut Socialdemokratinit saqqummiunneqarpoq, isumaqartoqarmat, ikiorsiissutit sinnassaatitut kalaallinit amerlasuunit atorneqartartut.
- Kalaallit sulisinnaasutut naatsorsuutigineqarsinnaasariaqarput, danskisut oqalussinnaanngitsut kisimik naatsorsuutigineqarneq ajormata. Konservativeneersoq Tom Behnke oqarpoq.