Imaatigut angallanneq unitsivinneqassappat takornariaqarnikkut sunniuteqapilussasoq, Greenland Tourism-imi pisortaaneq, Stig Rømer Winther isumaqarpoq.
- Nunatsinni takornariaqarneq inuussutissarsiutit pingaarnersaasa ilagaat, taamattumik sinersortaateqarnikkut naalakkersuisut allannguissappata tamanna kinguneqapiluttussaassaaq, Stig Rømer Winther oqarpoq.
Allannguinissat januaarip aallaqqaataanit piviusunngussappata tamanna 2006-imi takornariaqarnikkut eqquingaatsiartussatut takorloorneqarpoq.
- Qularutiginngilarput imaatigut angallassilluni
takornariartitsisarneq ineriariartortinneqarluarsinnaasoq
neriuutigaarpullu angallassineq niuernerpalaartumik ingerlanneqarsinnaajumaartoq, Greeland Tourism-ip pisortaanera oqarpoq.
Arctic Umiaq Line-p namminersortunngorsarneqarnissaa naalakkersuisunit kissaatigineqarmat Arctic Umiaq Line nutaamik isumaqatigiissusiorfigineqanngilaq. Umiarsuaatileqatigiiffik niuernerpalaartumik atugassarititaasut atorlugit ingerlasinnaassanngippat matusariaqalersinnaavoq.