Nunatta kitaani diamanteqarpoq
12. juli 2005 04:14
Nunatta kitaani Garnet Lake-mi qillerinerit arlalissuit tamaani ujaqqanik erlinnartunik diamantinik peqarnera takutippaat.
Qillerinernut akisussaasuuvoq suliffeqarfissuaq Hudson Resources”, taakkulu siorna misissuinerminniit uppernarsarpaat ujaqqanik erlinnartunik tamaani ilumut peqartoq.
- Diamantinik pitsassuarnik siornatuulli nassaarnerput pingaarutilerujussuuvoq – diamantit nassaarineqartut annikitsukkuutaajuunerat aamma pissutigalugu, Hudson Resources-imi pisortaaneq, James Tuer, tusagassiuutitigut nalunaarummi allappoq.
Hudson Resources Kangerlussuup eqqaani Sarfartuumi 733 kvadratkilometerinik annertutigisumi misissuivoq.
Diamantinik annertunerpaamik Canadami nassaarfiusimasutulli maanna misissuivigineqartoq inissisimavoq.
