Nunatta avataanut tunisat pisiallu oqimaaqatiginnerannik nalunaarusiaq siulleq

Nunatta avataanut tunisat pisiallu oqimaaqatigiinnerat 2005-ip qaammataani pingasuni siullerni amigartoorutaanera ukioq kingulleq qaammatini taakkunani pingasuni amigartoorutaaneranut naleqqiullugu 25 mio. koruuninik amigartoorutannginneruvoq. Tamanna takuneqarsinnaavoq Nunatsinni Naatsorsueqqissaartarfiup kisitsisaataani.

Avataanut tunisat pisiallu ukioq manna qaammatini pingasuni siullerni oqimaaqatigiissinneranni 71 mio. koruuninik amigartoorfiuvoq.

Amigartooruteqarnerup ikilisimaneranut peqqutaanerpaavoq ukioq kingullermut sanilliullugu ukioq manna sisamararterutaannarmik maskiinanik angallatinillu eqqusuisimanerput. Ikinnerusunik eqqusuinitsinni 43 mio. koruunit sipaarsimavagut.

Akerlianilli imeruarsaatinik tupamillu nunanit allanit pisiniarnerusimavugut. Taakkua sisamararterummik qaffassimapput.

Nunanut allanut tunisat aamma ikileriarput, ingammik ”aalisakkat, peqquit uumasullu qituttut” tunineqarneri ikileriarsimapput. Taakkua nunanut allanut tunineqarneri 27 mio. koruuninik ikileriarsimagamik.

Ataatsimut isigalugu nunatta avataanut tunisat pisiallu oqimaaqatigiikkaanni amigaartooruteqarfiuvoq, amigartoornerli ukioq kingullermut sanilliullugu amigartoorutaannginnerulluni.