Sunrice Ittoqqortoormiineqqammerpoq

Silaannaap allanngoriartorneranik uppernarsaatinik katersilluni, Greenpeacip umiarsuaa Sunrice nunatta sineriaani angalanini aallartillugu saapaatiummat ataasinngormallu Ittoqqortoormiuniippoq.

Ukiut 30-it matuma siorna takussutissanik sanilliussissallutik, Greenpeace maanna tunumi sermersuarmi misiligutissanik aalleqqammerpoq. Ittoqqortoormiini innuttaasut silaannaap allanngoriartornera malugilluarsimasartik aamma oqaluttuarisinnaasimavaat:

- Oqariartuutaat eqqornerarpavut. Maani aamma ukiuni kingullerni tallimani, arfinilinni malugisimaqigatsigu aasaanerani sikorsuit ingerlaannaq saavittalernierisa kinguneranik ingammik puisit amigaataasalernerat,

Ittoqqortoormiini bormesteri, Erling Madsen oqarpoq.

Erling Madsen neriulluarnerarpoq Greenpeacep, silaannaap kissakkiartornera nunanut suliffissuaqarfiusunut oqariartuutiginiarmagu.

Innuttaasullu tamanna iluarigaat aamma oqaatigaa.

Greenpeacip umiarsuaata Sunricep angalanerani aqutsisoq Martina Krueger oqarpoq, taama angalanerminni neriuutigigitsik nunat suliffissuaqarfiusut, pingaartumik USA eqqarsaatigalugu, silaannaap allanngoriartornerata ajornartorsiutaaneranik paasinnilersissinnaassallugit.