Arctic Umiaq Line Namminersornerullutik Oqartussanut isumaqatigiissuteqanngitsoortoq
Skrevet af Carla Davidsen
02. juli 2005 17:03
Namminersornerullutik Oqartussat Arctic Umiaq Line A7S-ilu kiffartuussinermut isumaqatigiissummik nutaamik atsiugaqanngitsoorput.
Tamanna suliffeqarfimmut assut malunnaataassaaq, Nunatsinnimi immakkut angallanneq ingerlannikuuvaa.
Arctic Umiaq Line-mi siulersuisunut ilaasortaq, Niels Kreutzmann, oqarpoq, Namminersornerullutik Oqartussat taama aalajangiinerisa nutaanik eqqarsarnissaq pisariaqalersikkaa.
Niels Kreutzmann-ip ilaatigut oqaatigaa takornariaqarneq suliassatut eqqarsaatigineqarsinnaasoq. Maannakkullu oqaatigisinnaannginnerarpaa sulisut 120-iusut soraarsitaassanersut.