George Bush nunatsinnilu timmisartut
Amerikamiut præsidentiata Danmarkimut tikeraarnerani Københavnip mittarfiani timmisartuussinerit 25 minutsit missanni kinguartuussaapput.
Air Greenlandimi tuniniaanermi pisortaq Jesper Kunuk Egede nalunaarpoq Air Greenland-ip Danmarkimiit Nunatsinnut timmisartuussinerata eqqorneqarnissaa ilimananngitsoq.
George W. Bush marlunngorpat Danmarkimut tikippat Sjælland qulaallugu timmisartorneq inerteqqutaalissaaq Københavnillu mittarfiani, Kastrupimi timmisartuussineq eqqorneqassalluni.
- Aallariartornissaq minutsinik 25-inik kinguartinneqarsinnaasoq naatsorsuutigineqassaaq, timmisartuussinermi isumannaallissaviup Naviar-ip tusagassiortunut nalunaaruteqartartuisa pisortaat Kurt Andreasen DR-imut nalunaarpoq.
Bush-ip Danmarkiminnerinnaani timmisartuussinerit kinguartuussasut erseqqissarpaa.