ITCIP Nuummi pikkorissartitsinera aallartippoq
30. juni 2005 06:40
Nuuk ulluni 14-ini tulliuttuni inunnik nunani aasigiinngitsuneersunik 21-inik tikeraartoqassaaq.
Tikeraartitsinermut aaqqissuisuuvoq International Training Center for Indigenous People.
Suliniaqatigiiffik taanna nunat inuviisa pisinnaatitaaffii kulturikkullu periarfissaat pillugit nunat tamalaat inuviinut sapaatip akunnerini marlunni pikkorissartitsisarpoq.
Pikkorssartitsinerni ilaatigut Naalagaaffiit Peqatigiit aqqutigalugit periarfissat sammineqartarput. Nuummi sap. Ak. tulliuttuni inuusuttut pikkorissartussat, nunanit alisissunit soorlu Nepalimit, Burmamit, Bangladeshimit, Chilemit Philipperinillu aggertuupput.
ITCIP Ingmar Egedejugaluup, Nuummi Seminariami rektoriusimasup 1997-mi pilersitaraa.