Ikuallatsitsilluni toqutseriartoq pineqaatissinneqarpoq
28. juni 2005 16:11
Illoqqortoormiuni arnaq 41-nik ukiulik ikuallaalluni toqutseriarsimatut, Illoqqortoormiuni eqqartuussivimmit ukiuni pingasuni pinerluuteqarsimasut inissiissarfianniittussanngorlugu ippassaq eqqartuunneqarpoq.
Upernaaq apriilip ulluisa 19-anni arnap angut 49-nik ukiulik uuliamik kuerarpaa kingornalu angutip illu isersimaffigisaata silataaniittoq karsi qisuk ikuallatsillugu. Angutip tamanna toqqutiginngilaa.
Arnaq 41-nik ukiulik ikuallatitsinermi toqutseriarnermilu inatsisinik unioqqutitsisimasutut pineqaatissinneqarpoq.
Pineqatissiissutineqartumik Nunatta eqqartuussivianut ingerlatitseqqissinnaanissi pillugu arnaq ulluni 14-ini eqqarsarfissaqarussimavoq.