Nunarput IWC-mi pilliuteqartoq
IWC-p 57-issaanik ataatsimeersuarnera Koreami Kujallermi ingerlanneqartoq ippassaq naammassivoq. Kalaallit Nunaat ataatsimeersuarnermi pilliuteqartoq, Aalisarnermut piniarnermullu pisortaqarfimmi pisortaq Amalie Jessen oqarpoq.
-Ajuusaarutigigaluarlugu akueriinnartariaqarsimavarput tikaagulliusaartassavut 19-iniit qulinut apparmata.
Amalie Jessen ilanngullugu oqarpoq taamatut pisoqaraluartoq 2007-imi isumaqatiginninniarnissamut periarfissat pitsaanerujussuanngortut. Taamalu takussutissanik misissuinernillu aalajangersaasoqareerpat aaqqiissutaasinnaasut nalunarunnaassasut unnerlugu.
- Toqutsigasuarnissamut tunngatillugu isornartorsiorneqaraluaqaluta aamma nersualaarneqarpugu, sulinitsinnut qiimmassaataasumik. Pingaartumik qamutilinnik iluarsaassisarneq pikkorissaasarnerlu eqqarsaatigalugit, Amalie Jessen naliliivoq.
Aappaagu IWC ataatsimeersualerpat, ataatsimeersuarneq Caribiami ingerlanneqassaaq.