Chilly Friday-ip meeqqanut aaqqissuussinerit ujartorpai
22. juni 2005 07:09
Meeqqat inuiattut ullorsiornermi puigorneqartarmata aaqqissuisut nutaanik isumassarsiortariaqalersut, rockimik nipilersortartut Chilly Friday isumaqarput.
Nipilersoqatigiinneersoq Alex Andersen oqarpoq, inuiattut ullorsiortarneq ukiut kingulliit 20-t ingerlaneranni allannguuteqangaarsimanngitsoq.
- Naalagiarnerit aaqqissuussinerullu allat naammamik ingerlanneqartarput, meeqqanulli aaqqissuussinerit ikittuinnaapput. Alex Andersen oqarpoq.
Meeqqat sumiginnakkat ikiorneqarnissaannik taama annertutigisumik oqallittoqartillugu, inuiattut ullorsiornermi takussaasoqannginnera tupiginerarpaa.