Angut nukappissanit persuttarneqartoq

Skrevet af Mads Lynge
20. juni 2005 11:40

Nuummi angut 30-nik ukiulik arfininngormat ullaassakkut persuttarneqarpoq.

Atuarfik Samuels Kleinschmidtip Blok 12-illu akornanni ullaassakkut sisamap qeqqata missaani persuttarneqarpoq.

Arnap ingiaqataasup oqaluttuarnera malillugu angut taanna arnamik ingiaqateqarluni imerniartarfimmit Takuss-imit inuit aqqutaatigut ingerlalersoq nukappissat pingasuunngikkunik sisamat tunuanit saassussimagaat.

Angut aalakoorsimavoq persuttarneqarnerminillu eqqaamasaqarani. Arnap aamma persuttaasut qanoq isikkoqarnersut eqqaamanngilai.

Taamaattumik Nuummi politiit isiginnittuusimasunik attaveqarusupput. Atuarfik Samuel Kleinschmidt-ip blok 12-illu akornanni ullaassakkut sisamap qeqqata sisamallu akornanni arlaannik tusagaqarsimasunik takusaqarsimasunilluunniit attaveqarusullutik.

Normumut 321448-mut sianerluni politiit attavigineqarsinnaapput.

Hvis du har fundet en fejl i artiklen, kan du skrive til os her.

Læs også