Pisortaqarfiit marluk julip aallaqqaataanni pisortartaarput

Pisortaqarfiit marluk julip ulluisa aallaqqaataanni nutaanik pisortartaassapput.

Inuussutissarsiornermut, Nunalerinermut Sulisoqarnermullu Pisortaqarfimmi pisortanngussaaq 42-inik ukiulik, Peter Hansen. Peter Hansen Pisortaqarfimmi tassani allaffimmi ukiut kingulliit arfinillit pisortatut atorfeqarsimavoq.

Ilaqutariinnermut Pisortaqarfimmi pisortanngussaaq 44-inik ukiulik Martha Lund Olsen. Martha Lund Olsen Isumaginninnermi Siunnersortinngorniat Ilinniarfianni ukiuni kingullerni marlunni pisortaasimavoq.

Nunatsinni meeqqat sumiginnakkat qitiutinneqarlutik piffissaq kingulleq sammineqartorujussuupput.

Ilaqutariinnermut Pisortaqarfimmi pisortanngortoq, Martha Lund Olsen, oqarpoq, atorfigiligassami imaannaanngitsuunissaa qularinagu, aammali suliassani qilanaaralugillu pissangagigini.

Martha Lund Olsen Naalakkersuisunut ilaasortap Johan Lund Olsen-ip qatanngutigaa.