17-inik ukiulik persutaallunilu pinngitsaaliisoq
Skrevet af Mads Lynge
17. juni 2005 17:57
Nanortalimmiu 17-inik ukiulik persuttaasimasutut pinngitsaaliisimasutullu pineqaatissinneqarpoq.
Nanortalimmi eqqartuussiviup 17-inik ukiulik ukiuni marlunni pinerluuteqarsimasunik nakkutilliisoqarfimmiit nakkutigineqartussanngorlugu kiisalu inuusuttut ulloq unnuarlu inissiisarfiannut ukioq ataaseq inissinneqartussanngorlugu pineqaatissippaa. Taama Nanortalimmi politeeqarfiup pisortaa Poul Petersen nalunaaruteqarpoq.
Angut inuusuttoq 18-inik ukioqalereersimasuuguni sivikinnerpaamik qaammatit arfineq-marluk sivisunerpaamillu qaammatit qulingiluat pinerluuteqarsimasut inissiisarfianniitinneqassagaluarpoq.
17-inik ukiullip pineqaatisinneqarnini akueraa.