Meeqqat angerlarsimaffissaat nutaaq pilersinneqalerpoq
Skrevet af Carla Davidsen
15. juni 2005 05:19
Naalakkersuisut arriippallaaleraangata tusagassiutitigut samminnittarneq iluaqutaasarunarpoq.
Nuup Kommunea meeqqat angerlarsimaffissaannik Tupaarnaq-mik pilersitsinissamut akuersissummik tunineqarpoq, akuersissut taanna sivisuumik utaqqineqarsimavoq.
Nuup Kommuneata borgmesteria Siumumeersoq Agnethe Davidsen Radioavisikkut Atuagagdliutit-igullu sapaatip-akunnerani kingullermi naammagittaalliuteqareersorlu akuersissut takkuppoq. Naalakkersuisut arriinnerarlugit Agnethe Davidsen oqaaseqarsimavoq.
Nuummi meeqqat sumiginnakkat ikiorneqarnerulernissaat anguniarlugu meeqqat angerlarsimaffissaat pilersinniarneqarpoq.