Lars Karl Jensen KANUKOKA-mi siulittaasunngorpoq

KANUKOKA ullumi siulittaasortaarpoq. Siumup aallartitanik gruppiata kissaataa naapertorlugu, Lars Karl Jensen, Qeqertarsuarmi kommunalbestyrelsimut ilaasortaq akerliunertaqanngitsumik toqqarneqarpoq.

Siulittaasutut tunuartoq Uummannami borgmesterit Jens Lars Fleischer oqarpoq suliaq nannarisaq qimallugu eqqarsarnartoqartoq.

-Siornatigut oqareernikuuvunga Uummannami borgmesterinngornera pingaartillugu, taamaattumik Siumup gruppiata aalajangerumaarnissaa ataqqivara, Jens Lars Fleischer oqarpoq.

Siumup gruppianit tamatigoortumik atorfigalugu siulittaasuunissaq piumasarineqarsimammat Jens Lars Fleischer siulittaasumut qinigassanngortissimanngilaq.

Kommunit aaqqissuunneqaqqinnissaat aallaartitat tunngaviusumik akuersaaraluarlugu aalajangernissap kinguartinneqarnissaa tamaannarmik kissaatigigaat malunnarpoq.

-Piffissamik annertunerusumik qinnuteqarnerat oqarnittuut siulersuisunngortuni massakkut suliassanngorlugu massakkut tunniupparput, Jens Lars Fleischer oqarpoq.

Lars Karl Jensen Qeqertarsuarmi kommunalbestyrelsimi ilaasortaq Lars Karl Jensen Siumumeersoq KANUKOKA-mi siulittaasunngorpoq.

KANUKOKA-mi suleriaaseq aallartitat aalajangersagaat siulersuisuni suliaralugit ingerlaqqinneqartarnerat ingerlatiinnarniarlugu Lars Karl Jensen oqarpoq.

-Suliat pitsaasut ingerlareersullu immersueqatigiinnikkut sulersuisullu ingerlateqqittussaavagut, inuiaqatigiinnut tamarmik iluaqutaasussat, Lars Karl Jensen oqarpoq.

Lars Karl Jensenip avatangiisinut naleqqunittunik sulineq assut pingaartillugu oqalugiarnermini oqaatigaa.

-Nunatta avinngarusimanera inuuniarnikkullu atugassarititaasut eqqarsaatigalugit, meeraaguni inuusuttuuguni utoqqaaguniluunniit najugaqartoq, inatsisartunit, kommuninit qinikkanit sullinneqarnera immitsinnut paaseqatigiiffigalugu ingerlattariaqaripput tassani oqariartuutigivara, Lars Karl Jensen oqarpoq.

Lars Karl Jensen junip naanerani KANUKOKA-mi siulittaasup issiavianut ingissaaq.