Poorsuit 40-it atisanik imallit Qaqortumi RødeKors-imut tunniunneqarput

Poorsuit 40-t atisanik atornikunik imallit, Island-mi Rødekorsip inissaarummagit Kalaallit Nunaannut rødekorsimut nassiuppai.

Qaqortumi Rødekorsip immikkkoortortaqarfia ukioq manna pilersinneqartoq, atisat Island-meersut pissarsiarai. Qaqortumilu Rødekorsimi siulittaasoq Tove Blidorf oqarpoq, atisarpassuit tunniunneqartut aningaasarpassuarnik isertitsissutaajumaartut. Naatsorsuutigineqarporlu atisat tuniniarneqarnerisigut aningaasat 110.000 koruunit sinnerlugit ukioq manna isertinneqarumaartut.

Asiami decembarip qaammataani qarsutsinersuaqarmat, nunat arlallit ajunaarnersuarmik eqqugaapput. Ajunaarnersuarmut atatillugu januaarip qaammataani Qaqortumi innuttaasut Rødekorsip immikkoortortaanik pilersitsipput.

Marsip qaammataani Qaqortumi Rødekorsi atisanik atornikuerniarfimmik ammaapput, Majillu qaammataani atisat atornikut Islandiminngaanneersut Qaqortumut tikiunneqarput.