Sisimiut kulturikkut illorsuassaat sananeqassaaq
03. juni 2005 15:33
Sisimiuni kulturikkut illorsuassap sanaartorneqarnissaata aningaasaliiffigineqarnissaa kommunalbestyrelsimit immikkut ittumik ullumi akuersissutigineqarpoq.
10 mio. koruunit immikkut ittumik aningaasaliissutigineqarput. Taamaalilluni sanaartorneq 32 mio. koruuninik akeqassaaq.
Kommunalbestyrelsimi ilaasortanit 13-iusunit aqqanillit akuerseqataapput.
Siumut, Atassut IA-lu akuersipput Demokraatini ilaasortat marluk akuerseqataanngitsut, Sisimiuni borgmesteri Hermann Berthelsen ilisimatitsivoq.
Kulturip illorsualiornissaq aallarteriaannanngormat sanaartornerup piaarnerpaamik aallartinneqarnissaa borgmesterip naatsorsuutigaa.
Hermann Berthelsenip ilimagaa kulturikkut illorsuaq 2007-p aallartilaarnerani naammassineqassasoq.
