Sisimiuni kulturikkut illorsuassaq

Sisimiuni kommunalbestyrelsep ullumikkut ataatsimiinnissamini kulturikkut illorsualiassap pilersaarut naapertorlugu sanaartorneqarnissaa isummerfigisussaavaa.

Kulturikkut illorsuassaq 32 mio. koruuninik akeqassaaq, siullermik pilersaarusiorneqarneranit 10 mio. kr.-nit missaanni akisunerussalluni.

Sisimiut kommuneani aningaasaqarnermut ataatsimiititaliap aningaasaliissutissat sapaatip akunnerani kingullermi immikkut ittumik akuersissutigai, naak allaffeqarfik isumaqaraluartoq kulturikkut illorsuup pilersaarusiorneqarnera naliliiffigineqaqqittariaqartoq.

Sanaartornissamut akuersissutissaq utaqqiinnarneqarpoq. Siumut Atassullu kommunalbestyrelsimi amerlanerussuteqartut sanaartortoqarnissaanut tapersuipput,

taamaalilluni illuatungiliuttut IA aamma Demokraatit pilersaarummik allannguiniarnerat ajornakusuussaaq.

Illuatungiuliuttut pilersaarummik unititsigallarnissamik kissaateqaraluartut Agathe Fontain IA-meersoq oqarpoq.