Nuummi biilertartut sukkavallaannginnissartik ippassaaniinnaq qulakkeersimaartariaqarsimavaat, politiinngorniammi biilip sukkassusiannik uuttortaaserlutik biilertartunik nakkutilliipput.
Nuup Kommuneata internetikkut nittartagaani tamanna atuarneqarsinnaavoq.
Sukkavallaamik biilertut qulit tigusarineqarput, akunnermullu 30 kilometerersorfissami 64-ersorsimasoq ingasannernut ilaavoq.
Kørekortimik arsaarneqarsimasoq ataaseq aamma tigusarineqarpoq.
Politiinngorniat atuarfiannik aqutsisup Mads Christensenip neriorsuutigaa, politiinngorniat suliartik ulluni takkuttussani nangikkumaaraat.
Kalaallit Nunaanni atorsinnaasumik kørekorteqanngitsut, biilillu ukiorsiutinik suli assakaasullit alaatsinaanniarneqarput.