Arferit puulukillu

Isumasiuisarfiup AIM-ip arfanniarnermut tunngatillugu danskinik isumasiuisimanerata inernera Inuit Ataqatigiit siulittaasuata Josef Motzfeldip apeqquserpaa.

- Isumasiuiarfiit tutsuiginartuaannannginnerinut takussutissat ilagaat, nunarsuup anginerujussua assigiinngitsorpassuarnillu atugassaqarfiunera aap-imik naagga-milluunnit akisassanngortikkajukkamikku. Josef Motzfeldt oqarpoq.

AIM-ip isumasiuinera naapertorlugu Danmarkimi innuttaasut 5 %-ii kisimik arfanniarnermut tapersersuisutut angersimapput, 53 %-it akerliusimapput, 66 %-illu aningaasarsiutigalugu arfanniartitsisalernissamut naalakkersuisut sulissuteqaqqusimanagit.

- AIM-ip nunatsinni innuttaasut aperisimagaluarpagit, danskit puulukinik uumasunik biilersuarnik assartuisarnerat tapersersorneraat, qularinngilluinnarpara ikinnerpaamik 66 %-ii naagga-mik akisimassagaluartut. Josef Motzfeldt tunngavilersuivoq.

Pinngortitamik uumasuinillu nungusaataanngitsumik atuineq tamanit najoqqutariumaneqarmat, arferit angisuut ilaasa piniarneqarsinnaanerat eqquteqqinneqassappat, nungusaataanngitsumik atuineq najoqqutarineqassasoq qularisariaqanngitsoq Inuit Ataqatigiit siulittaasuat isumaqarpoq.

- Ilumulli AIM peqqissaarnerusumik misissuisimasuuppat, tassaqa misissuisimaneq taama qaasutsigisumik inerneqarsimassagaluarpa. Josef Motzfeldt oqarpoq.