Annertunerusumik tuttunniaqqusineq UPPIK-mit taperserneqarpoq
Nunatta kitaani tuttoqarpallaarnerarlugu Pinngortitaleriffimmi biologit siunnersuipput ukioq manna killilerneqanngitsumik tuttunniartoqassasoq.
Siunnersuut pinngortitamut illersuiniaqatigiiffiup Uppiup tapersersorpaa, aaqqissuussaanerusumillu tuttunniartoqarlunilu tunisassiortoqalernissaa takorloorneqarpoq:
- Tuttuutillit, KNAPK aamma NuKa A/S suleqatigiillutik tuttut pisarinnngitsoorneqartartut nioqqutissiarisalersinnaagaluarpaat, taamaaliortoqartuuppallu piniartut atugarisaasa pitsanngorsarneqarsinnaassagaluarput, pisassallu asuli eqqaannartakkavut pissusissamisoornerusumik atorluarneqalersinnaagaluarput, Pinngortitamik illersuiniaqatigiiffimmi siulittaasoq Jens Peter Lange oqarpoq.
Assersuutitut taavaa umimmaat aaqqissuussaanerusumik aamma piniarneqartalersimanerat.