Qaanaap kommunalbestyrelsea inissippoq
Qaanaami kommunalbestyrelse nutaaq ippassaq inissippoq. Inissitsiterinermi partiit komunalbestyrelsemut isertitaqartut tamarmik borgmesterinngortitsinngikkunik tullersorteqalertitsillutik.
Qaanaami borgmesterinngorpoq Atassummeersoq Johanne H. Nielsen, borgmesterip siullertut tullersortigilerpaa Inuit Ataqatigiinneersoq Naimangitsoq Petersen, aappaatullu tullersortaalerpoq Siumumeersoq Niels Qujaukitsoq.
Qaanaami apriilip tallimaani qinersinerup inernerinik kisitsineq paatsuunganartoqarmat qinersinermi inernerit Qinersinermut Ataatsimiititaliamit kiseqqinneqarput.
Qaanaap kommunebestyrelsea siornagut tallimanik ilaasortaqartartoq massakkut qinersinermi arfineq marlunnik ilaasortaqartinneqalerpoq.
Qaanaami kommunaldirektøri Alex Jørgensen Olzacki ilisimatitsivoq kommunemi ataatsimiititaliat kingusinnerusukkut siulittaasulersorneqarumaartut.