Nunatta USA-ip Danmarkillu ataatsimoortumik suleqatigiiffigisaat Joint Committee, ataatsimoorussamik kommittee Washingtonimi ataatsimiippoq. Ataatsimoorussamik kommittep massakkut ataatsimiinnera siunissamut sunniuteqassanersoq suleqatitta Bikki Petersen-ip Birger Riis- Jørgensen, Dansket aallartitaasa siuttuat Danmarkimi nunanut allanut ministeriaqarfimmeersoq aperaa, imalu akivoq:
- Ataatsimiinneq manna siunissami suliniaqqinnissamut tunngaviusussaavoq, maannamummi qaammatini arfineq marlunni sulereerpugut arlaqartutigullu angusaqarluareerluta, Birger Riis- Jørgensen oqarpoq.
Ataatsimoortumik kommettemi nunatta suleqataanera nunatta amerikamiunik suleqateqartarneri eqqarsaatigalugit nutaaliornerusoq Birger Riis- Jørgensen oqarpoq.
- Siornagut illersornissaq kisimi suleqatigiissutigineqarpoq, kommetteeli aqqutigalugu suleqatigiinneq ilinniatitaanikkut avatangiisitigut aatsitassarsiornikkut niueqatigiinnikkut takornariaqarnikkut kulturikkullu suleqatigiinnermik ilaneqarpoq, taamaattumik Washingtonimi massakkut ataatsimiinnerit suleriaqqinnissamut assut pingaaruteqarput, Birger Riis- Jørgensen oqarpoq.